in bahaaron ki havaaon ko shikaayat ham se hai — Rohit Rahi

paarsaai kaa tujhe 'rohit' milegaa kyaa samar
kahte hain duniyaa jise sadiyon se be-tartib hai

'ishq ki fitrat sadaa aazaad hai
qaid mein dair-o-haram ki kab rahaa

qaid kyaa dair-o-haram ki zaahido
jalva-gar hai har taraf meraa sanam

huun khafaa saare zamaane se faqat tere liye
'ishq ki tauhid mere tu kabhi to jaanegaa

ham-mizaaji kaa na yuun daa'vaa karo
aashnaa honaa miraa aasaan nahin

pattharon ke ye sanam sunte hain kab
kaifiyat apni khudaa hi jaane hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

kisi gali mein kiraae pe ghar liyaa us ne
phir us gali mein gharon ke kiraae baDhne lage

kahte hain andalib-e-giraftaar mujh ko dekh
ummid jivne ki nahin is bahaar mein

chaman mein rakhte hain kaanTe bhi ik maqaam ai dost
faqat gulon se hi gulshan ki aabru to nahin