bint-e-havvaa huun main ye miraa jurm hai — Sarwat Zehra

khvaab aur tamannaa kaa kyaa hisaab rakhnaa hai
khvaahishein hain sadiyon ki umr to zaraa si hai

dil ke dariyaa ne kinaaron se mohabbat kar li
tez bahtaa hai magar kam nahin hone paataa

kahaan pe khologe dard apnaa kise kahoge
kahin chhupaao, ye haal le kar kahaan chale ho

kaise bujhaaein kaun bujhaae bujhe bhi kyuun
is aag ko to khuun mein hal kar diyaa gayaa

ab to sanvaarne ke liye hijr bhi nahin
saaraa vabaal le ke ghazal kar diyaa gayaa

jaane vaale ko chale jaanaa hai
phir bhi rasman hi pukaaraa jaae