jaane vaale ko chale jaanaa hai — Sarwat Zehra

khvaab aur tamannaa kaa kyaa hisaab rakhnaa hai
khvaahishein hain sadiyon ki umr to zaraa si hai

dil ke dariyaa ne kinaaron se mohabbat kar li
tez bahtaa hai magar kam nahin hone paataa

kahaan pe khologe dard apnaa kise kahoge
kahin chhupaao, ye haal le kar kahaan chale ho

kaise bujhaaein kaun bujhaae bujhe bhi kyuun
is aag ko to khuun mein hal kar diyaa gayaa

ab to sanvaarne ke liye hijr bhi nahin
saaraa vabaal le ke ghazal kar diyaa gayaa

bint-e-havvaa huun main ye miraa jurm hai
aur phir shaaeri to kaDaa jurm hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

miri ghairat-e-hama-gir ne mujhe tere dar se uThaa diyaa
kuchh anaa kaa zor jo kam huaa to khabar hui tu khudaa saa hai

khudi ki daulat-e-uzmaa khudaa ne mujh ko bakhshi hai
qalandar huun main shaahon ki gadaai kar nahin saktaa

dene vaale tu mujhe niind na de khvaab to de
mujh ko mahtaab se aage bhi kahin jaanaa hai

vo chhupnaa tiraa parda-e-rang-o-bu mein
vo har rang mein meraa pahchaan jaanaa