barun-e-khaak faqat chand Thekre hain magar — Saud Usmani

khvaahish hai ki khud ko bhi kabhi duur se dekhun
manzar kaa nazaara karun manzar se nikal kar

ye to duniyaa bhi nahin hai ki kinaaraa kar le
tu kahaan jaaegaa ai dil ke sataae hue shakhs

vo chaahtaa thaa ki dekhe mujhe bikharte hue
so us kaa jashn ba-sad-ehtimaam main ne kiyaa

kisi alaav kaa shoala bhaDak ke boltaa hai
safar kaThin hai magar ek baar aakhiri baar

un se bhi meri dosti un se bhi ranjishein
siine mein ek halqa-e-ahbaab aur hai

itni siyaah-raat mein itni si raushni
ye chaand vo nahin miraa mahtaab aur hai