aakhir ik roz utarni hai libaadon ki tarah — Saud Usmani

jaan hai to jahaan hai dil hai to aarzu bhi hai
ishq bhi ho rahegaa phir jaan abhi bachaaiye

main chaahtaa huun use aur chaahne ke sivaa
mire liye to koi aur raastaa bhi nahin

har ik ufuq pe musalsal tulua hotaa huaa
main aaftaab ke maanind rahguzaar mein thaa

bahut dinon mein mire ghar ki khaamushi TuuTi
khud apne-aap se ik din kalaam main ne kiyaa

mujhe ye saare masihaa aziiz hain lekin
ye kah rahe hain ki main tum se faasla rakkhun

itni siyaah-raat mein itni si raushni
ye chaand vo nahin miraa mahtaab aur hai