in dinon apni bhi vahshat kaa ajab aalam hai — Shahid Kamal

haan vaz-e-ehtiyaat kaa qaail nahin huun mein
jo zakhm hai jigar mein chhupaane se main rahaa

jab Duub ke marnaa hai to kyaa soch rahe ho
in jhiil si aankhon mein utar kyuun nahin jaate

jang kaa shor bhi kuchh der to tham saktaa hai
phir se ik amn ki afvaah uDaa di jaae

tu mere saath nahin hai to sochtaa huun main
ki ab to tujh se bichhaDne kaa koi Dar bhi nahin

shaakh-e-mizhgaan pe mahakne lage zakhmon ke gulaab
pichhle mausam ki mulaaqaat ki bu zinda hai

burida-sar ko sajaa de fasil-e-neza par
darida jism ko phir arsa-e-qitaal mein rakh