haan vaz-e-ehtiyaat kaa qaail nahin huun mein — Shahid Kamal

jab Duub ke marnaa hai to kyaa soch rahe ho
in jhiil si aankhon mein utar kyuun nahin jaate

jang kaa shor bhi kuchh der to tham saktaa hai
phir se ik amn ki afvaah uDaa di jaae

tu mere saath nahin hai to sochtaa huun main
ki ab to tujh se bichhaDne kaa koi Dar bhi nahin

shaakh-e-mizhgaan pe mahakne lage zakhmon ke gulaab
pichhle mausam ki mulaaqaat ki bu zinda hai

in dinon apni bhi vahshat kaa ajab aalam hai
ghar mein ham dasht-o-bayaabaan uThaa laae hain

burida-sar ko sajaa de fasil-e-neza par
darida jism ko phir arsa-e-qitaal mein rakh

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

tumhein to aaegi bas 'mir' ki khumaari pasand
kahaan 'amulya' ki ghazlein kahaan tumhaari pasand

main vo rind-e-nau nahin huun jo zaraa si pi ke bahkun
abhi aur aur saaqi ki main phir sambhal rahaa huun

hazaar rang ke phulon se baagh ki zinat
bahaar aai to laai hai itne hangaame

miri khaatir se ye ik zakhm jo miTTi ne khaayaa hai
zaraa kuchh aur Thahro is ke bharte hi chale jaanaa