havaa hai aasmaan hai aag hai paani hai miTTi hai — Sifar Sharma

shauq mein pahni thi bas zanjir kyaa maa'lum thaa
beDiyon ki shakl le legi ye naagin ek din

— Sifar Sharma

shamshir ba-kaf huun na koi jism mein jumbish
main kis ke muqaabil huun ki maaraa nahin jaataa

— Sifar Sharma

ye saare zakhmi gunge hain
ye saari duniyaa andhi hai

— Sifar Sharma

kaanon mein gunjti hai vo aavaaz dam-ba-dam
ik haath rah gayaa hai kahin haath chhoD kar

— Sifar Sharma

kahte hain aise vaqt mein vaajib hai jhuuT bhi
tu jhuuT koi bol ki dil phir se ji uThe

— Sifar Sharma

nashsha-e-hosh chaDhaa jaataa hai rafta rafta
zindagi phir se hui jaati hai mubham mubham

— Sifar Sharma

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz