ye saare zakhmi gunge hain — Sifar Sharma

shauq mein pahni thi bas zanjir kyaa maa'lum thaa
beDiyon ki shakl le legi ye naagin ek din

shamshir ba-kaf huun na koi jism mein jumbish
main kis ke muqaabil huun ki maaraa nahin jaataa

havaa hai aasmaan hai aag hai paani hai miTTi hai
nuqush-e-yaar gar hote to main duniyaa banaa letaa

kaanon mein gunjti hai vo aavaaz dam-ba-dam
ik haath rah gayaa hai kahin haath chhoD kar

kahte hain aise vaqt mein vaajib hai jhuuT bhi
tu jhuuT koi bol ki dil phir se ji uThe

nashsha-e-hosh chaDhaa jaataa hai rafta rafta
zindagi phir se hui jaati hai mubham mubham

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

taariki mein lipTi hui pur-haul khamoshi
is aalam mein kyaa nahin mumkin jaagte rahnaa

zamaana ye aa gayaa hai 'rahbar' ki ahl-e-binash ko kaun puchhe
jame hain makkaar kursiyon par dikhaa rahe hain ganvaar aankhein

tang paimaai kaa shikva saaqi-e-azali se kiyaa
ham ne samjhaa hi nahin dastur-e-mai-khaana abhi

aur hote hain jo mahfil mein khamosh aate hain
aandhiyaan aati hain jab hazrat-e-'josh' aate hain