puchh mujh se ki kis tarah main ne — Sultan Shaafi

zindagi ek film hai meri
jis mein hansne kaa scene hai hi nahin

vahshat ne mujh hasin ko behaal kar diyaa
kamzor dil ke log na dekhein miri taraf

haalaanki ek shakhs tumhaari jagah pe hai
lekin tumhaaraa is se khalaa bhar nahin rahaa

ik samt ghar ke log hain ik samt 'ishq hai
ai naujavaan laDki himaaqat ki baat hai

hamaari aankh ke aansu sameTo
tumhaaraa is se kharcha chal rahaa hai

dekh aansu na qaid ho jaae
meri tasvir khinchne vaale