vahshat ne mujh hasin ko behaal kar diyaa — Sultan Shaafi

zindagi ek film hai meri
jis mein hansne kaa scene hai hi nahin

puchh mujh se ki kis tarah main ne
teri tasvir pe guzaaraa kiyaa

haalaanki ek shakhs tumhaari jagah pe hai
lekin tumhaaraa is se khalaa bhar nahin rahaa

ik samt ghar ke log hain ik samt 'ishq hai
ai naujavaan laDki himaaqat ki baat hai

hamaari aankh ke aansu sameTo
tumhaaraa is se kharcha chal rahaa hai

dekh aansu na qaid ho jaae
meri tasvir khinchne vaale

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye to nahin ki khvaab mein duniyaa badal gai
bedaar jab hue to tasavvur nayaa milaa

ik nigaah-e-ghalat-andaaz sahi
dil ki aakhir koi qimat hogi

qismaton se milaa hai dard hamein
kahin aaraam-e-dil na ho jaae

honaa hai dard-e-ishq se gar lazzat-aashnaa
dil ko kharaab-e-talkhi-e-hijraan to kijiye