masala ye bhi to hai is ahd kaa ai jaan-e-jaan — Taj Saeed

main ne zulmat ke fusun se bhaagnaa chaahaa magar
mere pichhe bhaagti phirti miri rusvaai thi

— Taj Saeed

pattaa pattaa shaakh se TuuTe darvaazon pe vahshat si
yaaro prem kathaa mein kis ne dard ki taan milaai hai

— Taj Saeed

kis ne aa kar ham ko di aavaaz pichhli raat mein
kaun ham ko chheDne aayaa hai in lamhaat mein

— Taj Saeed

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir