aankhein hain ki ab tak usi chaukhaT pe dhari hain — Zia Faooqui

mat puchhiye kyaa jitne niklaa thaa main ghar se
ye dekhiye kyaa haar ke lauTaa huun safar se

— Zia Faooqui

badan ki qaid se chhuTaa to log pahchaane
tamaam 'umr kisi ko miraa pata na milaa

— Zia Faooqui

ye safar ye Dubte suraj kaa manzar aur main
jaane kab ho paaeinge baaham miraa ghar aur main

— Zia Faooqui

shu’ur-e-tishnagi ik roz mein pukhta nahin hotaa
mire honTon ne sadiyon karbalaa ki khaak chumi hai

— Zia Faooqui

zindagi ke is safar ne aur kyaa mujh ko diyaa
ek TuuTaa aaina do chaar patthar aur main

— Zia Faooqui

pahle thaa bahut faasla baazaar se ghar kaa
ab ek hi kamre mein hai baazaar bhi ghar bhi

— Zia Faooqui

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal