ye safar ye Dubte suraj kaa manzar aur main — Zia Faooqui

mat puchhiye kyaa jitne niklaa thaa main ghar se
ye dekhiye kyaa haar ke lauTaa huun safar se

— Zia Faooqui

badan ki qaid se chhuTaa to log pahchaane
tamaam 'umr kisi ko miraa pata na milaa

— Zia Faooqui

shu’ur-e-tishnagi ik roz mein pukhta nahin hotaa
mire honTon ne sadiyon karbalaa ki khaak chumi hai

— Zia Faooqui

aankhein hain ki ab tak usi chaukhaT pe dhari hain
detaa huun zamaane ko magar apnaa pata aur

— Zia Faooqui

zindagi ke is safar ne aur kyaa mujh ko diyaa
ek TuuTaa aaina do chaar patthar aur main

— Zia Faooqui

pahle thaa bahut faasla baazaar se ghar kaa
ab ek hi kamre mein hai baazaar bhi ghar bhi

— Zia Faooqui

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi