Shayari Of Azhar Bakhsh Azhar

tum ne dekhā nahīñ hogā kabhī aisā qātil
jo lahū chūsne kā jashn manāne nikle

kaho husn-e-jamāl-yār se ye itnī saj-dhaj kyoñ
bharī barsāt meñ paudoñ ko paanī kaun detā hai

har vaqt kase rahte haiñ maaoñ kī piiTh se
godī meñ nahīñ khelte mazdūr ke bachche

aaj 'az.har' se kyā mile ho tum
phuul jaise khile khile ho tum

ḳhūñ-bahā dete haiñ zālim taḳht paane ke liye
log kitnā gir ga.e ḳhud ko uThāne ke liye

un ke ḳhemoñ meñ haiñ sab log kamar-basta magar
ham meñ ġhaflat kī hai bhar-mār ḳhudā ḳhair kare

ik ġhazal to mire hāthoñ se misālī ho jaa.e
kaash ki tū mirā mahbūb-e-ḳhayālī ho jaa.e

hamāre jitne bachche the parinde ho ga.e saare
ye vo ghar hai jahāñ par ab koī bachcha nahīñ rahtā

de kar fareb mujh ko gayā thā vo shoḳh-tan
khā kar fareb lauTā to siine se lag gayā

tum chitā in kī jalāo na karo dafn inheñ
pyaar ke ḳhat haiñ ye hindū yā musalmān nahīñ

"ajiib tishnagī har sū mire badan meñ hai kisī sarāb kā aahū mire badan meñ hai kisī se ishq sā hone ko hai ye tum ho kyā na.e gulāb kī ḳhushbū mire badan meñ hai kabhī kisī se bhī khul kar maiñ mil nahīñ saktā mujhe ḳhabar hai ki bas tū mire badan meñ hai mahal ko chhoḌ ke aa jaatī haiñ zuleḳhā.eñ na jaane kaun sā jaadū mire badan meñ hai sadāqateñ khanak uThtī haiñ baat jab nikle vahī zabān vo taalū mire badan meñ hai mire qarīb jo aao to dil baḌā rakhnā burī-bhalī ghirī har ḳhū mere badan meñ hai siyāsatoñ ne go shaitāñ hī kar diyā mujh ko nahīñ maiñ bhūltā sādhū mire badan meñ hai mire muqāble hūroñ kā qāfila 'az.har' balā se zabt hai qaabū mere badan meñ hai"

"zarā sī an-ban meñ ruuTh kar vo jo dushmanoñ meñ Tahal rahe haiñ abhī jo nauha bane hue haiñ kabhī hamārī ġhazal rahe haiñ binā batā.e chalā gayā thā batā ke milne jo aa gayā huuñ to ruuTh kar vo ga.e haiñ ghar meñ ḳhushī se chhup kar uchhal rahe haiñ maraz huā hai mohabbatoñ kā ye raat kaise kaTegī jaane hamārī nīñdeñ bhī uḌ chukī haiñ sanam bhī karvaT badal rahe haiñ vikās kī hai 'ajīb sweater bunī na sattar baras se ab tak ġharīb bunte haiñ jis ko har din amiir jis ko ukal rahe haiñ jo ḳhuuñ bahā.e bane masīhā jo jhuuT bole bane vo hātim vo a.alā qadreñ kahāñ ga.iiñ sab usuul saare badal rahe haiñ vo ban ke dajjāl yuuñ uThā ke ḳhudā samajh kar bahak ga.e sab hai shukr kuchh ko shu'ūr aayā hai shukr ab kuchh sambhal rahe haiñ ye saḳht nafrat ye qatl-o-ġhārat ye mahñgī ashyā ye jhuuT vā'de shikār kab tak jiyegā āḳhir vo tiir kitne badal rahe haiñ bahut se dānoñ hue haiñ jag meñ magar ye 'az.har' baḌā hai sab se chhupe haiñ Dar se jo devtā haiñ avaam ke dil dahal rahe haiñ"