aaj 'azhar' se kyaa mile ho tum — Azhar Bakhsh Azhar

un ke khemon mein hain sab log kamar-basta magar
ham mein ghaflat ki hai bhar-maar khudaa khair kare

husn ki devi bani baiThi hain dil hai but-kada
chand muslim laDkiyon ne ham ko hindu kar diyaa

jab kamsin se ishq laDaanaa paDtaa hai
bachchon jaisaa paaTh paDhaanaa paDtaa hai

ik ghazal to mire haathon se misaali ho jaae
kaash ki tu miraa mahbub-e-khayaali ho jaae

tum chitaa in ki jalaao na karo dafn inhein
pyaar ke khat hain ye hindu yaa musalmaan nahin

har vaqt kase rahte hain maaon ki piiTh se
godi mein nahin khelte mazdur ke bachche

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

chaar jhonke jab chale ThanDe chaman yaad aa gayaa
sard aahein jab kisi ne liin vatan yaad aa gayaa

lachak hai shaakhon mein jumbish havaa se phulon mein
bahaar jhuul rahi hai khushi ke phulon mein

likhaa thaa ek takhti par koi bhi phuul mat toDe magar aandhi to an-paDh thi
so jab vo baagh se guzri koi ukhDaa koi TuuTaa khizaan ke aakhiri din the