Aziz Faisal

kuude hain us ke sehn men do-char sher-dil
ham facebok ki wall se aage nahin ga.e

aise bandon ko janta huun main
jin ka vahid ilaaj malish hai

nikal baiTha tha dandan-saz bhule se
vo daaDh jis men zara sa bhi mas.ala nahin tha

das baara ghazliyat jo rakhta hai jeb men
bazm-e-sukhan men hai vo nishani vabal ki

hai kamyabi-e-mardan men haath aurat ka
magar tu ek hi aurat pe inhisar na kar

de rahe hain is liye jangal men dharna janvar
ek chuhe ko riha.ish ke liye bil chahiye

ishq mein ye tafraqa-baazi bahut maayub hai
pyaar ko shiia vahaabi aur sunni mat samajh

das baara ghazliyaat jo rakhtaa hai jeb mein
bazm-e-sukhan mein hai vo nishaani vabaal ki

na ye qaanun kaam aayaa thaa raanjhe ke zaraa saa bhi
usi ko bhains milti hai ho jis ke haath mein laaThi

begam se kah rahaa thaa ye koi khalaa-navard
baiThi hui hai chaand pe ''guDiyaa'' mire liye

kitni mazaahiya hai ye botal ke jin ki baat
aaqaa ab inqalaab hai do chaar din ki baat

moarrikh likh na dein suqraat mujh ko
main lassi kaa piyaala pi rahaa huun