ishq mein ye tafraqa-baazi bahut maayub hai — Aziz Faisal

das baara ghazliyaat jo rakhtaa hai jeb mein
bazm-e-sukhan mein hai vo nishaani vabaal ki

na ye qaanun kaam aayaa thaa raanjhe ke zaraa saa bhi
usi ko bhains milti hai ho jis ke haath mein laaThi

begam se kah rahaa thaa ye koi khalaa-navard
baiThi hui hai chaand pe ''guDiyaa'' mire liye

kitni mazaahiya hai ye botal ke jin ki baat
aaqaa ab inqalaab hai do chaar din ki baat

aisi khvaahish ko samajhtaa huun main bilkul natural
doctor ko shahr kaa har mard o zan ill chaahiye

moarrikh likh na dein suqraat mujh ko
main lassi kaa piyaala pi rahaa huun

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

mohabbat aap hi manzil hai apni
na jaane husn kyuun itraa rahaa hai

aksar aisaa bhi mohabbat mein huaa kartaa hai
ki samajh-bujh ke khaa jaataa hai dhokaa koi

nikal gayaa miri aankhon se misl-e-khvaa-o-khayaal
guzar gayaa dil-e-raushan se vo nazar ban kar

abhi aaghaaz-e-ulfat hai chalo ik kaam karte hain
bichhaD kar dekh lete hain bichhaD kar kaisaa lagtaa hai