moarrikh likh na dein suqraat mujh ko — Aziz Faisal

das baara ghazliyaat jo rakhtaa hai jeb mein
bazm-e-sukhan mein hai vo nishaani vabaal ki

na ye qaanun kaam aayaa thaa raanjhe ke zaraa saa bhi
usi ko bhains milti hai ho jis ke haath mein laaThi

begam se kah rahaa thaa ye koi khalaa-navard
baiThi hui hai chaand pe ''guDiyaa'' mire liye

kitni mazaahiya hai ye botal ke jin ki baat
aaqaa ab inqalaab hai do chaar din ki baat

aisi khvaahish ko samajhtaa huun main bilkul natural
doctor ko shahr kaa har mard o zan ill chaahiye

ishq mein ye tafraqa-baazi bahut maayub hai
pyaar ko shiia vahaabi aur sunni mat samajh

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

andheraa itnaa hai ab shahr ke muhaafiz ko
har ek raat koi ghar jalaanaa paDtaa hai

kuchh be-adabi aur shab-e-vasl nahin ki
haan yaar ke rukhsaar pe rukhsaar to rakkhaa

shab bhi hai vahi ham bhi vahi tum bhi vahi ho
hai ab ke magar apni sazaa aur tarah ki