Habeeb Ahmad Siddiqui

hai naved-e-bahar har lab par
kam-nasibon ko e'tibar nahin

gulon se itni bhi vabastagi nahin achchhi
rahe khayal ki ahd-e-khizan bhi aata hai

ab bahut duur nahin manzil-e-dost
ka.abe se chand qadam aur sahi

taslim hai sa.adat-e-hosh-o-khirad magar
jiine ke vaste dil-e-nadan bhi chahiye

ashna jab tak na tha us ki nigah-e-lutf se
vardat-e-qalb ko husn-e-bayan samjha tha main

maut ke baa'd bhi marne pe na raazi hona
yahi ehsas to sarmaya-e-din hota hai

hai naved-e-bahaar har lab par
kam-nasibon ko e'tibaar nahin

gulon se itni bhi vaabastagi nahin achchhi
rahe khayaal ki ahd-e-khizaan bhi aataa hai

ek kaaba ke sanam toDe to kyaa
nasl-o-millat ke sanam-khaane bahut

tag-o-taaz-e-paiham hai miraas-e-aadam
mire muntazir kuchh jahaan aur bhi hain

faiz-e-ayyaam-e-bahaar ahl-e-qafas kyaa jaanein
chand tinke the nasheman ke jo ham tak pahunche

raanaai-e-bahaar pe the sab farefta
afsos koi mahram-e-raaz-e-khizaan na thaa