hai naved-e-bahaar har lab par — Habeeb Ahmad Siddiqui

gulon se itni bhi vaabastagi nahin achchhi
rahe khayaal ki ahd-e-khizaan bhi aataa hai

ek kaaba ke sanam toDe to kyaa
nasl-o-millat ke sanam-khaane bahut

tag-o-taaz-e-paiham hai miraas-e-aadam
mire muntazir kuchh jahaan aur bhi hain

faiz-e-ayyaam-e-bahaar ahl-e-qafas kyaa jaanein
chand tinke the nasheman ke jo ham tak pahunche

mere liye jiine kaa sahaaraa hai abhi tak
vo ahd-e-tamannaa ki tumhein yaad na hogaa

raanaai-e-bahaar pe the sab farefta
afsos koi mahram-e-raaz-e-khizaan na thaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul us nigah ke zakhm-rasidon mein mil gayaa
ye bhi lahu lagaa ke shahidon mein mil gayaa

tere aane se yu khushi hai dil
juun ki bulbul bahaar ki khaatir

gulshan-e-dahr mein sau rang hain 'haatim' us ke
vo kahin gul hai kahin bu hai kahin buuTaa hai