gulon se itni bhi vaabastagi nahin achchhi — Habeeb Ahmad Siddiqui

hai naved-e-bahaar har lab par
kam-nasibon ko e'tibaar nahin

ek kaaba ke sanam toDe to kyaa
nasl-o-millat ke sanam-khaane bahut

tag-o-taaz-e-paiham hai miraas-e-aadam
mire muntazir kuchh jahaan aur bhi hain

faiz-e-ayyaam-e-bahaar ahl-e-qafas kyaa jaanein
chand tinke the nasheman ke jo ham tak pahunche

mere liye jiine kaa sahaaraa hai abhi tak
vo ahd-e-tamannaa ki tumhein yaad na hogaa

raanaai-e-bahaar pe the sab farefta
afsos koi mahram-e-raaz-e-khizaan na thaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vo to bachchon ki patangon ne use gher liyaa
varna chupke se nikal jaati bahaar aai hui

main apni jaan mein use jazb kis tarah kartaa
use gale se lagaayaa lagaa ke chhoD diyaa

yaar hote to mujhe munh pe buraa kah dete
bazm mein meraa gilaa sab ne kiyaa mere baad