Hakeem Manzoor

mujh men the jitne aib vo mere qalam ne likh diye
mujh men tha jitna husn vo mere hunar men gum hua

baagh men hona hi shayad seb ki pahchan thi
ab ki vo bazar men hai ab to bikna hai use

itna badal gaya huun ki pahchanne mujhe
aa.ega vo to khud se guzar kar hi aa.ega

teri ankhon men aansu bhi dekhe hain
tere hathon men dekha hai khanjar bhi

apni nazar se TuuT kar apni nazar men gum hua
vo baDa ba-shu.ur tha apne hi ghar men gum hua

giregi kal bhi yahi dhuup aur yahi shabnam
is asman se nahin aur kuchh utarne ka

giregi kal bhi yahi dhuup aur yahi shabnam
is aasmaan se nahin aur kuchh utarne kaa

teri aankhon mein aansu bhi dekhe hain
tere haathon mein dekhaa hai khanjar bhi

reza reza raat bhar jo khauf se hotaa rahaa
din ko saanson par abhi tak bojh us patthar kaa hai

dekhte hain dar-o-divaar harifaana mujhe
itnaa be-bas bhi kahaan hogaa koi ghar mein kabhi

shahr ke aaiin mein ye mad bhi likkhi jaaegi
zinda rahnaa hai to qaatil ki sifaarish chaahiye

ham kisi bahrupiye ko jaan lein mushkil nahin
us ko kyaa pahchaaniye jis kaa koi chehraa na ho