teri aankhon mein aansu bhi dekhe hain — Hakeem Manzoor

giregi kal bhi yahi dhuup aur yahi shabnam
is aasmaan se nahin aur kuchh utarne kaa

reza reza raat bhar jo khauf se hotaa rahaa
din ko saanson par abhi tak bojh us patthar kaa hai

dekhte hain dar-o-divaar harifaana mujhe
itnaa be-bas bhi kahaan hogaa koi ghar mein kabhi

shahr ke aaiin mein ye mad bhi likkhi jaaegi
zinda rahnaa hai to qaatil ki sifaarish chaahiye

agarche us ki har ik baat khurduri hai bahut
mujhe pasand hai Dhang us ke baat karne kaa

ham kisi bahrupiye ko jaan lein mushkil nahin
us ko kyaa pahchaaniye jis kaa koi chehraa na ho

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

vo tavajjoh de na de lekin sadaa dete raho
apne hone kaa use 'ruhi' pataa dete raho

dil sadaa taDpe hai meraa murgh-e-bismil ki tarah
yaa ki sikhi murgh-e-bismil ne mire dil ki tarah

in mein kyaa farq hai ab is kaa bhi ehsaas nahin
dard aur dil kaa zaraa dekhiye yaksaan honaa