Majeed Amjad

haa.e vo zindagi-fareb ankhen
tu ne kya socha main ne kya samjha

main ek pal ke ranj-e-faravan men kho gaya
murjha ga.e zamane mire intizar men

baDe saliqe se duniya ne mere dil ko diye
vo ghaao jin men tha sachcha.iyon ka charka bhi

kya ruup dosti ka kya rang dushmani ka
koi nahin jahan men koi nahin kisi ka

har vaqt fikr-e-marg-e-gharibana chahiye
sehhat ka ek pahlu marizana chahiye

main roz idhar se guzarta huun kaun dekhta hai
main jab idhar se na guzrunga kaun dekhega

tire khayaal ke pahlu se uTh ke jab dekhaa
mahak rahaa thaa zamaane mein chaar-su tiraa gham

nigah uThi to zamaane ke saamne tiraa ruup
palak jhuki to mire dil ke ru-ba-ru tiraa gham

main roz idhar se guzartaa huun kaun dekhtaa hai
main jab idhar se na guzrungaa kaun dekhegaa

masih-o-khizr ki umrein nisaar hon us par
vo ek lamha jo yaaron ke darmiyaan guzre

salaam un pe tah-e-tegh bhi jinhon ne kahaa
jo teraa hukm jo teri razaa jo tu chaahe

har vaqt fikr-e-marg-e-gharibaana chaahiye
sehhat kaa ek pahlu marizaana chaahiye