Popular Meeruthi

ye sun ke bol uThaa us se be-zabaan shauhar
sukun bakhshegaa tum ko ab aaTHvaan shauhar

tumhin bataao gale-baaz shaaeron ke baghair
agar huaa bhi to kaisaa mushaaera hogaa

naaj jitnaa thaa vo sab mukhiyaa ki bhainsein char gaiin
aur kallu-raam kaa khaliyaan aadhaa rah gayaa

rahzanon se mat Daro tum paarsaaon se bachcho
leadaraan-e-qaum ki zaalim adaaon se Daro

teraa aadhaa kaam khud insaan hi karne lage
kaam teraa ab to ai shaitaan aadhaa rah gayaa

is bharose pe election mein khaDaa huun main bhi
ik nujumi ne kahaa hai ki ye saal achchhaa hai

meraa sasuraal mein koi bhi taraf-daar nahin
un ke honTon pe bhi taale hain khudaa khair kare

kulliyaat-e-'mir'-o-'ghaalib' se ghazal laayaa thaa main
aaj vo bhi chhap na paai aap ke akhbaar mein!

dastakhat to tumhein bhi aate hain
abbaa tum bhi vazir ban jaate

netaa kaa daavaa sun ke main ye sochne lagaa
qurbaani kankaTe ki to yaaro haraam hai

mujhe note jab milaa biis kaa to samajh mein khud hi ye aa gayaa
jahaan do hazaar ki baat thi vo mushaaera koi aur hai

jo bad-nasibi se kal ko mulaazmat na rahi
shikam kaa apne sahaaraa mushaaera hogaa