teraa aadhaa kaam khud insaan hi karne lage — Popular Meeruthi

dastakhat to tumhein bhi aate hain
abbaa tum bhi vazir ban jaate

khud tiis kaa hai aur dulhan saaTh baras ki
girti hui divaar ke saae mein khaDaa hai

be-vaqufi ke anokhe kaarnaame dekh kar
achchhe-khaase leaderon ko bhi gadhaa kahnaa paDaa

apni shohrat ki alag raah nikaali ham ne
kisi divaan se ghazal koi churaa li ham ne

is bharose pe election mein khaDaa huun main bhi
ik nujumi ne kahaa hai ki ye saal achchhaa hai

meraa sasuraal mein koi bhi taraf-daar nahin
un ke honTon pe bhi taale hain khudaa khair kare

meraa hi khat us shokh ne bhejaa mire aage
aakhir jo likhaa thaa vahi aayaa mire aage

pahunchaa na thaa yaqin ki manzil pe main abhi
meraa khayaal mujh se bhi aage nikal gayaa

chaand hai teraa ham-safar koi nahin hai raahbar
aage qadam baDhaa ke rakh duur ki raushni na dekh

main sidrat-ul-muntahaa pe aa ke ruki hui huun
ab aage jo bhi karegaa meraa khudaa karegaa

jis maulvi ko aage paDhaanaa thaa meraa aqd
Thahraa hai un kaa aqd usi maulvi ke saath

sab ke aangan jhaankne vaale ham se hi kyuun bair tujhe
kab tak teraa rasta dekhein saari raat ke jaage ham