Raza Azimabadi

ham ko mili hai ishq se ik ah-e-soz-nak
vo bhi usi ki garmi-e-bazar ke liye

aisa kisi se junun dast-o-gareban na ho
chak-e-gareban ka bhi chaak gareban kiya

jis tarah ham rahe duniya men hain us tarah 'raza'
shaikh but-khane men ka.abe men barahman na raha

sau ghamze ke rakhta hai nigahban pas-o-pesh
aata hai akela par akela nahin aata

sau iid agar zamane men laa.e falak va-lek
ghar se hamare mah-e-muharram na ja.ega

chala hai ka.abe ko but-khane se 'raza' yaaro
kisi ne aisa khuda.i-kharab dekha hai

khushaa ho kar butaan kab aashiqon ko yaad karte hain
'razaa' hairaan huun main kis baat par hai utnaa bholaa tu

sunte to the 'razaa' hain sab hain baDe musalmaan
par kufr mein ziyaada nikle vo barahman se

dekhi thi ek raat tiri zulf khvaab mein
phir jab talak jiyaa main pareshaan hi rahaa

imaarat dair o masjid ki bani hai iinT o patthar se
dil-e-viraana ki kis chiiz se taamir hoti hai

kaabe mein shaikh mujh ko samjhe zalil lekin
sau shukr mai-kade mein hai e'tibaar apnaa

ik dam ke vaaste na kiyaa kyaa kyaa ai 'razaa'
dekhaa chhupaayaa toDaa banaayaa kahaa sunaa