Razi Raziuddin

nashsha-e-yar ka nasha mat puchh
aisi masti kahan sharabon men

tamam raat tira intizar hota raha
ye ek kaam yahi karobar hota raha

is andhere men jalte chand charagh
rakhte kis kis ka vo bharam honge

ye zulf-e-yar bhi kya bijliyon ka jhurmuT hai
khudaya khair ho ab mere ashiyane ki

jagah bachi hi nahin dil pe choT khane ki
uTha lo kaash ye aadat jo azmane ki

us ka jalva dikha.i deta hai
saare chehron pe sab kitabon men

tamaam raat tiraa intizaar hotaa rahaa
ye ek kaam yahi kaarobaar hotaa rahaa

dil ko jalaae rakkhaa hai ham ne charaagh saa
is ghar mein ham hain aur tiraa intizaar hai

tum na the to yahaan pe koi na thaa
aaj kitne divaane baiThe hain

qalb-o-jigar ke daagh farozaan kiye hue
hain ham bhi ehtimaam-e-bahaaraan kiye hue

us kaa jalva dikhaai detaa hai
saare chehron pe sab kitaabon mein

tumhaare shahr mein kyuun aaj hu kaa aalam hai
sabaa idhar se guzar kar udhar gai ki nahin