qalb-o-jigar ke daagh farozaan kiye hue — Razi Raziuddin

tamaam raat tiraa intizaar hotaa rahaa
ye ek kaam yahi kaarobaar hotaa rahaa

dil ko jalaae rakkhaa hai ham ne charaagh saa
is ghar mein ham hain aur tiraa intizaar hai

tum na the to yahaan pe koi na thaa
aaj kitne divaane baiThe hain

us kaa jalva dikhaai detaa hai
saare chehron pe sab kitaabon mein

nashsha-e-yaar kaa nasha mat puchh
aisi masti kahaan sharaabon mein

tumhaare shahr mein kyuun aaj hu kaa aalam hai
sabaa idhar se guzar kar udhar gai ki nahin

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kitnaa sochaa thaa dil lagaaeinge
sochte sochte hayaat hui

naaz udhar dil ko uDaa lene ki ghaaton mein rahaa
main idhar chashm-e-sukhan-go tiri baaton mein rahaa

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

in dinon garche dakan mein hai baDi qadr-e-sukhan
kaun jaae 'zauq' par dilli ki galiyaan chhoD kar