dil ko jalaae rakkhaa hai ham ne charaagh saa — Razi Raziuddin

tamaam raat tiraa intizaar hotaa rahaa
ye ek kaam yahi kaarobaar hotaa rahaa

tum na the to yahaan pe koi na thaa
aaj kitne divaane baiThe hain

qalb-o-jigar ke daagh farozaan kiye hue
hain ham bhi ehtimaam-e-bahaaraan kiye hue

us kaa jalva dikhaai detaa hai
saare chehron pe sab kitaabon mein

nashsha-e-yaar kaa nasha mat puchh
aisi masti kahaan sharaabon mein

tumhaare shahr mein kyuun aaj hu kaa aalam hai
sabaa idhar se guzar kar udhar gai ki nahin

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

ye kamra aur ye gard-o-ghubaar us kaa hai
vo jis ne aanaa nahin intizaar us kaa hai

us kaa vaada hai lauT aane kaa
aur miraa intizaar kaa vaada

dil bhi rakhtaa huun kuchh tamannaa bhi
muntazir huun tire ishaaron kaa