Seema Ghazal

jazbon par jab barf jame to jiina mushkil hota hai
dil ke atish-dan men thoDi aag jalani paDti hai

be-qarari se mire paas vo aaya lekin
us ne puchha bhi to bas ye ki fulan kaisa hai

sard hote hue vajud men bas
kuchh nahin tha alaav ankhen thiin

khud apne-ap se milne ki khatir
abhi koson mujhe chalna paDega

main ne kaha tha mujh ko andhere ka khauf hai
us ne ye sun ke aaj mira ghar jala diya

ek avaz main ne suni thi abhi kaun bola tha ye to khabar hi nahin
ye ta'alluq zaruri hai kis ne kaha vo bhi khamosh tha main bhi khamosh thi

khud apne-aap se milne ki khaatir
abhi koson mujhe chalnaa paDegaa

ek aavaaz main ne suni thi abhi kaun bolaa thaa ye to khabar hi nahin
ye ta'alluq zaruri hai kis ne kahaa vo bhi khaamosh thaa main bhi khaamosh thi

main ne kahaa thaa mujh ko andhere kaa khauf hai
us ne ye sun ke aaj miraa ghar jalaa diyaa

aise kuchh haadse bhi guzre hain
jin pe main aaj tak nahin roi

jazbon par jab barf jame to jiinaa mushkil hotaa hai
dil ke aatish-daan mein thoDi aag jalaani paDti hai

mujh ko us ke nahin khud mere havaale karte
kam se kam ye to mire chaahne vaale karte