Shahid Latif

"sharif log kahan jaa.en kya karen akhir zamin chikhti phirti hai asman chup-chap"

"raat hi ke daman men chand bhi hain taare bhi raat hi ki qismat hai be-charagh hona bhi"

"koi lahja koi jumla koi chehra nikal aaya purane taaq ke saman se kya kya nikal aaya"

sharif log kahaan jaaein kyaa karein aakhir
zamin chikhti phirti hai aasmaan chup-chaap

raat hi ke daaman mein chaand bhi hain taare bhi
raat hi ki qismat hai be-charaagh honaa bhi

koi lahja koi jumla koi chehra nikal aayaa
puraane taaq ke saamaan se kyaa kyaa nikal aayaa