Shauq Bahraichi

barbad gulistan karne ko bas ek hi ullu kaafi tha
har shakh pe ullu baiTha hai anjam-e-gulistan kya hoga

har mulk is ke aage jhukta hai ehtiraman
har mulk ka hai father hindostan hamara

abhi to hazrat-e-va.iz mazammat mai ki karte hain
agar mai-khane men un ka guzar hoga to kya hoga

baDe hausle the pahle baDe valvale the pahle
jo amal ka vaqt aaya hue aap nau-do-gyara

bhala 'shauq' dekhun kyunkar rukh-e-pur-shikan ka manzar
mire daant hi kahan hain jo main kha sakun chhuara

hamare rahbaran-e-qaum-o-millat 'shauq' kya kam hain
vatan men gar na koi barber hoga to kya hoga

barbaad gulistaan karne ko bas ek hi ullu kaafi thaa
har shaakh pe ullu baiThaa hai anjaam-e-gulistaan kyaa hogaa

har mulk is ke aage jhuktaa hai ehtiraaman
har mulk kaa hai father hindostaan hamaaraa

abhi to hazrat-e-vaaiz mazammat mai ki karte hain
agar mai-khaane mein un kaa guzar hogaa to kyaa hogaa

baDe hausle the pahle baDe valvale the pahle
jo amal kaa vaqt aayaa hue aap nau-do-gyaaraa

bhalaa 'shauq' dekhun kyunkar rukh-e-pur-shikan kaa manzar
mire daant hi kahaan hain jo main khaa sakun chhuaaraa

hamaare rahbaraan-e-qaum-o-millat 'shauq' kyaa kam hain
vatan mein gar na koi barber hogaa to kyaa hogaa