baDe hausle the pahle baDe valvale the pahle — Shauq Bahraichi

barbaad gulistaan karne ko bas ek hi ullu kaafi thaa
har shaakh pe ullu baiThaa hai anjaam-e-gulistaan kyaa hogaa

har mulk is ke aage jhuktaa hai ehtiraaman
har mulk kaa hai father hindostaan hamaaraa

abhi to hazrat-e-vaaiz mazammat mai ki karte hain
agar mai-khaane mein un kaa guzar hogaa to kyaa hogaa

bhalaa 'shauq' dekhun kyunkar rukh-e-pur-shikan kaa manzar
mire daant hi kahaan hain jo main khaa sakun chhuaaraa

hamaare rahbaraan-e-qaum-o-millat 'shauq' kyaa kam hain
vatan mein gar na koi barber hogaa to kyaa hogaa

tu samajhtaa hai gar fuzul mujhe
kar ke himmat zaraa saa bhuul mujhe

hijr ko hausla aur vasl ko fursat darkaar
ik mohabbat ke liye ek javaani kam hai

aalam aalam ishq-o-junun hai duniyaa duniyaa tohmat hai
dariyaa dariyaa rotaa huun main sahraa sahraa vahshat hai

subut-e-ishq ki ye bhi to ek surat hai
ki jis se pyaar karein us pe tohmatein bhi dharein

ye hausla bhi kisi roz kar ke dekhungi
agar main zakhm huun us kaa to bhar ke dekhungi

saraa-e-ishq mein baiThe hue hain dil vaale
aur ek aakhiri tohmat ke intizaar mein hain