Taskeen Dehlavi

karta huun teri zulf se dil ka mubadala
har-chand janta huun ye sauda bura nahin

kahe deti hain ye nichi nigahen
ki bala-e-zamin kya kya na hoga

zabt karta huun vale is par bhi hai ye josh-e-ashk
gir paDa jo aankh se qatra vo dariya ho gaya

'taskin' ne naam le ke tira vaqt-e-marg aah
kya jaane kya kaha tha kisi ne suna nahin

abhi is raah se koi gaya hai
kahe deti hai shokhi naqsh-e-pa ki

shab-e-visal men sunna paDa fasana-e-ghair
samajhte kaash vo apna na razdar mujhe

qaasid aayaa hai vahaan se tu zaraa tham to sahi
baat to karne de us se dil-e-betaab mujhe

kahe deti hain ye nichi nigaahein
ki baalaa-e-zamin kyaa kyaa na hogaa

itni na kiije jaane ki jaldi shab-e-visaal
dekhe hain main ne kaam bigaDte shitaab mein

puchhe jo tujh se koi ki 'taskin' se kyuun milaa
kah diijo haal dekh ke rahm aa gayaa mujhe

abhi is raah se koi gayaa hai
kahe deti hai shokhi naqsh-e-paa ki

taskin' karun kyaa dil-e-muztar kaa ilaaj ab
kam-bakht ko mar kar bhi to aaraam na aayaa