Zafar Iqbal Zafar

"a.ine hi a.ine the har taraf phir bhi apne aap men tanha tha main"

"tahzib hi baaqi hai na ab sharm-o-haya kuchh kis darja ab insan ye bebak hua hai"

"rabta kyuun rakhun main dariya se pyaas bujhti hai meri sahra se"

"ham log to marte rahe qiston men hamesha phir bhi hamen jiine ka hunar kyuun nahin aaya"

"mom ke log kaDi dhuup men aa baiThe hain aao ab un ke pighalne ka tamasha dekhen"

"hadson se khelne ke bavajud aaj bhi vaisa huun kal jaisa tha main"

vo zabt thaa ki aah na nikli zabaan se
dil pe hamaare kitne hi khanjar guzar gae

aap dariyaa ki ravaani se na uljhein hargiz
tah mein us ke koi girdaab bhi ho saktaa hai

hamaari ziist mein aise bhi lamhe aate hain aksar
daraaron ke tavassut se havaa deti hain divaarein

tahzib hi baaqi hai na ab sharm-o-hayaa kuchh
kis darja ab insaan ye bebaak huaa hai

raabta kyuun rakhun main dariyaa se
pyaas bujhti hai meri sahraa se

us jaisaa dusraa na samaayaa nigaah mein
kitne hasin aankhon se paikar guzar gae