dar-e-khairaat pahle khol denaa — Hairat Allahabadi

"aap kyaa hain aap ko jaanaa to andaaza huaa dil huaa kaaba se but-khaana to andaaza huaa kitnaa mushkil kaam hai tauba kaa rakhnaa barqaraar saamne aayaa jo paimaana to andaaza huaa sham-e-mahfil ko na andaaza thaa apni aag kaa ho gayaa jab khaak parvaana to andaaza huaa un ki aankhon mein bhi masti hai sharaab-e-naab si gir gayaa haathon se paimaana to andaaza huaa koi tabdili hui hai meri haalat mein zarur mujh ko apnon ne na pahchaanaa to andaaza huaa meri be-paayaan mohabbat hai fareb-e-husn-o-ishq kah gae vo hans ke divaana to andaaza huaa main shahanshaah-e-dayaar-e-ishq huun 'hairat' nahin ho gayaa jab un se yaaraana to andaaza huaa"

"baadalon ke TukDon mein aasmaan kaa nilaa-pan kaise bhule saavan ki rut kaa vo rangilaa-pan Dhalne vaale hain moti chashm-e-naaz se shaayad saaf kah rahaa hai ye putliyon kaa gilaa-pan meri baat mat maano dasht mein nikal jaao aable bataa deinge khaar kaa nokilaa-pan shahd ki miThaas aksar honT se Tapakti thi kis ne us ke lahje mein bhar diyaa kasilaa-pan kaash itni vus'at bhi 'ishq ko khudaa bakhshe jazb kar le aankhon mein aansuon kaa gilaa-pan aap se mohabbat hai saadgi se kah Daalaa harf harf mein lekin bhar diyaa rasilaa-pan ab qabaa-e-gul shaayad apnaa rang bhi badle sabz sabz patton par aa rahaa hai pilaa-pan baiTh jaaegaa ik din zo'm kaa mahal 'hairat' rang laaegaa us ke zarf kaa ye silaa-pan"

"jaan mushkil mein hai pataa to chale kyaa tire dil mein hai pataa to chale kis ki aaraam se guzarti hai kaun mushkil mein hai pataa to chale tazkira kyaa hamaare hi gham kaa un ki mahfil mein hai pataa to chale tiir khanjar ki zahr yaa kuchh aur dast-e-qaatil mein hai pataa to chale kaarvaan luT gayaa hai yaa ab bhi raah-e-manzil mein hai pataa to chale tu hi apni zabaan se kah denaa jo tire dil mein hai pataa to chale dil-e-'hairat' jab un ke paas nahin kaun se dil mein hai pataa to chale"

"bad-nasib banjaara us zamin kaa baasi hai jo zamin ulfat ki muddaton se pyaasi hai har taraf andheraa hai har taraf udaasi hai shahr-e-pur-ziyaa mein bhi raushni zaraa si hai jo sadaaein detaa hai kucha-e-nigaaraan mein ajnabi nahin koi shakl aashnaa si hai kyaa khizaan kaa phir mausam aa gayaa gulistaan mein kyon gulon ke chehron par itni bad-havaasi hai dekhiye khudaa jaane kis tarah guzarti hai baat yuun to kahne ko kuchh nahin zaraa si hai saadgi kaa partav hai meraa har lab-o-lahja aap kaise kahte hain ye ghazal siyaasi hai saaf karti rahti hai sukhe khaar-o-gul aksar dosto nasim-e-subh mausamon ki daasi hai zaaviye nigaahon ke meri samt hain 'hairat' khaamushi mein poshida un ki ik hayaa si hai"

"kitaab-e-zindagi kaa har varaq kahne ko saada hai magar jo kuchh bhi likkhaa hai huruf-e-khun mein likkhaa hai ye saari shaan-o-shaukat kuchh nahin nazron kaa dhokaa hai asaasa aashiyaane kaa jise kahte ho tinkaa hai lahu de kar jo sinchaa thaa gulistaan-e-vafaa ham ne gulon ke jism se vo rang ban kar phuuT niklaa hai ye meri khush-nasibi hai ki us but ne ba-dast-e-khud sar-e-fihrist divaanon mein meraa naam likkhaa hai havaaein DhunDhti phirti hain us mard-e-mujaahid ko faraaz-e-daar par jis ne charaagh-e-zist rakkhaa hai yaqinan zakhm-e-dil ke saare Taanke TuuT jaaeinge tiri nazron kaa jaadu dil pe shoala ban ke lapkaa hai kabhi shahr-e-tamannaa mein to aakar dekh jaate vo dar-o-divaar par har samt kis kaa naam likkhaa hai sitam kaa aur mauqa us ko mil jaaegaa ai 'hairat' isi baais vo jiine ki duaaein mujh ko detaa hai"

"gum ho ke apni zaat mein kyaa bolne lage aisaa na ho shikast-e-anaa bolne lage jo karb-o-iztiraab ke maani samajh gae vo log ab ba-rang-e-vafaa bolne lage ehsaas-e-kamtari ne baDhaa di mataa-e-fikr jab paasbaan-e-aql sivaa bolne lage ghairon ko kyaa kahun unhein ilzaam kaise duun khud ham ko apne log buraa bolne lage ai fikr-e-aql-o-hosh junun se gurez kar aisi khataa na kar ki khataa bolne lage Thahregi kaise husn ke chehre pe dilkashi jab ang ang sharm-o-hayaa bolne lage jab bhi huaa nafaaz-e-shariat kaa tazkira basti mein har taraf se khudaa bolne lage patte gire jo peDon se kal raat TuuT kar mahsus yuun huaa tire paa bolne lage 'hairat' vo kyaa ghazal hai ki hon ahl-e-fan khamosh ho baat jab ghazal kaa sila bolne lage"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"