pahli si dil ko khvaahish-e-hijrat nahin rahi — Aabid Jafri

"kar chukaa phuul main jab saare jahaan ke patthar aa paDe sar pe mire jaane kahaan ke patthar zarf-e-dil mein nami-e-ashk-e-haqiqat na rahi itne bakhshe hamein logon ne gumaan ke patthar pa-e-haq dar-pae-paikaar koi miltaa nahin bandh gae paanv se kyaa vahshat-e-jaan ke patthar khaak mein mil gae sab phuul se logon ke vajud lag gae qabr pe bas naam-o-nishaan ke patthar ku-ba-ku ho gaiin taamir ibaadat-gaahein jama karte hi rahe ham to makaan ke patthar zindagi ke liye gauhar vahi Thahre 'aabid' log kahte hain jinhein fikr-e-javaan ke patthar"

"yahi to ek shikaayat safar mein rahti hai havaa-e-gard musalsal nazar mein rahti hai jazaa-e-kaavish-e-taamir ye mili hai hamein sadaa-e-tesha sadaa saath ghar mein rahti hai hunar kisi mein ho qismat hai us ki dar-badari ki aab-o-taab-e-guhar kab guhar mein rahti hai samaaaton kaa payambar hi ban sake to sune vo daastaan jo lab-e-chashm-e-tar mein rahti hai har ek subh pe maqtal kaa ho rahaa hai gumaan na jaane kaun si surkhi khabar mein rahti hai"

"basaaraton ko rah-e-shauq mein ganvaa dekhaa tujhe na dekhaa magar haan ye haadisa dekhaa vajud saunp ke sab kuchh bachaa liyaa ham ne na aankh mein koi aansu na saaneha dekhaa kitaab-e-zist bhi apni nahin rahi ki yahaan har ik varaq pe nayaa ek haashiya dekhaa khilaaf-e-mauj samundar-shanaas bah nikle main jis taraf gayaa tufaan hi uThaa dekhaa"

"fikr rakhte hain kahaan zehn agar rakhte hain dasht-e-be-aab mein jo tukhm-e-hunar rakhte hain har nai baat bhulaa deti hai pahle kaa khayaal vo to akhbaar hain bas taaza khabar rakhte hain miT gayaa rang-e-taalluq to ye chehre ke nuqush ek ik khatt-e-taassur mein khabar rakhte hain aise logon kaa milaa ham ko zamaana jo log kor-binaa hain magar ham pe nazar rakhte hain koi aahaT hai na dastak ki bichhaD jaae sukut jin ko divaar mayassar ho vo dar rakhte hain jab bhi aati hai kisi samt se maqtal ki havaa dhyaan aataa hai abhi dosh pe sar rakhte hain"

"shab ki aaghosh mein jaagaa huaa ghar kis kaa hai us pe aaseb nahin hai to asar kis kaa hai aisaa sailaab ki jangal ko bahaa le jaae aise sailaab mein be-barg shajar kis kaa hai ungliyon mein utar aae hain basaarat ke rumuz tirgi mein rahe makhfi ye hunar kis kaa hai be-charaaghi hi rahi apne gharon ki miraas raushni puchhti phirti hai ki dar kis kaa hai vo musaafir to gayaa chhoD ke yaadein apni kis ko batlaaun ki ye zaad-e-safar kis kaa hai tum miri raah se ho kar nahin guzre ho to phir naqsh-e-paa ye taraf-e-raahguzar kis kaa hai phir se madhosh-e-tamanna ke hue hosh-ba-jaa ham pe 'aabid' ye karam baar-e-digar kis kaa hai"

"mohabbaton par dil-e-hazin ko nisaar karnaa hai yuun ki jaise junun mein khud hi pe vaar karnaa ajab nahin vo bhi mere raste pe khud ko Daale vo jis ne sikhaa hai qaafilon ko ghubaar karnaa vo ek baarish ki muntazir be-shumaar aankhein vo ek tufaan kaa bastiyon ko shumaar karnaa mujhe to us ne tamaam lamhe vahi diye hain vahi jo ahl-e-junun ko hon ikhtiyaar karnaa shafaq utar kar tumhaare pallu se bandh gai hai jo ho sake to sahar talak ye hisaar karnaa aziyyaton kaa khamir zakhm-e-nihaan se uTThaa kabhi jo chaahaa hai dil kaa sahraa bahaar karnaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"