qaasid khilaaf-e-khat kahin teraa bayaan na ho — Hafeez Jaunpuri
"qaasid khilaaf-e-khat kahin teraa bayaan na ho karnaa sambhal ke baat ki vo bad-gumaan na ho naalon kaa mere aaTh-pahr imtihaan na ho Darte nahin ki ek zamin aasmaan na ho tohmat ho bhul-chuk ki paighaambar ke sar shikvon kaa lutf kyaa jo koi darmiyaan na ho naalon se laD rahi hai sadaa-e-jaras jo aaj gum-karda-raah koi pas-e-kaarvaan na ho sau sun ke ek bhi na kahein ham bajaa durust us se ye kahiye aae ki jis ke zabaan na ho ab tak vo yaad hain miri agli inaayatein bas bas hamaare haal pe tu mehrbaan na ho chhuTi tiri gali to ye mujh ko yaqin huaa jannat hai vo jahaan sitam-e-aasmaan na ho karte hain ek ek se meri shikaayatein sirf is khayaal se ki koi bad-gumaan na ho ye kyaa ki sar chaDhaa ke nazar se giraa diyaa ab mehrbaan hue ho to naa-mehrbaan na ho dil ko kahaan hai sadma-e-rashk-e-adu ki taab sau imtihaan hain aur ye ik imtihaan na ho marnaa phaDak phaDak ke gavaaraa sahi magar itnaa to ho qafas mein gham-e-aashiyaan na ho kaabe mein but-kade mein kharaabaat mein rahe insaan vo hai kahin jo kisi par garaan na ho apni bhi sar-guzasht hai ik-tarfa daastaan barson suno to nisf ye qissa bayaan na ho dil se hai dil ko raah ye sach hai agar 'hafiz' mumkin nahin khayaal yahaan ho vahaan na ho"
قاصد خلاف خط کہیں تیرا بیاں نہ ہو کرنا سنبھل کے بات کہ وہ بد گماں نہ ہو نالوں کا میرے آٹھ پہر امتحاں نہ ہو ڈرتے نہیں کہ ایک زمیں آسماں نہ ہو تہمت ہو بھول چوک کی پیغامبر کے سر شکوؤں کا لطف کیا جو کوئی درمیاں نہ ہو نالوں سے لڑ رہی ہے صدائے جرس جو آج گم کردہ راہ کوئی پس کارواں نہ ہو سو سن کے ایک بھی نہ کہیں ہم بجا درست اس سے یہ کہیے آئے کہ جس کے زباں نہ ہو اب تک وہ یاد ہیں مری اگلی عنایتیں بس بس ہمارے حال پہ تو مہرباں نہ ہو چھوٹی تری گلی تو یہ مجھ کو یقیں ہوا جنت ہے وہ جہاں ستم آسماں نہ ہو کرتے ہیں ایک ایک سے میری شکایتیں صرف اس خیال سے کہ کوئی بد گماں نہ ہو یہ کیا کہ سر چڑھا کے نظر سے گرا دیا اب مہرباں ہوئے ہو تو نا مہرباں نہ ہو دل کو کہاں ہے صدمۂ رشک عدو کی تاب سو امتحاں ہیں اور یہ اک امتحاں نہ ہو مرنا پھڑک پھڑک کے گوارا سہی مگر اتنا تو ہو قفس میں غم آشیاں نہ ہو کعبے میں بت کدے میں خرابات میں رہے انساں وہ ہے کہیں جو کسی پر گراں نہ ہو اپنی بھی سر گذشت ہے اک طرفہ داستاں برسوں سنو تو نصف یہ قصہ بیاں نہ ہو دل سے ہے دل کو راہ یہ سچ ہے اگر حفیظؔ ممکن نہیں خیال یہاں ہو وہاں نہ ہو
क़ासिद ख़िलाफ़-ए-ख़त कहीं तेरा बयाँ न हो करना सँभल के बात कि वो बद-गुमाँ न हो नालों का मेरे आठ-पहर इम्तिहाँ न हो डरते नहीं कि एक ज़मीं आसमाँ न हो तोहमत हो भूल-चूक की पैग़ाम्बर के सर शिकवों का लुत्फ़ क्या जो कोई दरमियाँ न हो नालों से लड़ रही है सदा-ए-जरस जो आज गुम-कर्दा-राह कोई पस-ए-कारवाँ न हो सौ सुन के एक भी न कहें हम बजा दुरुस्त उस से ये कहिए आए कि जिस के ज़बाँ न हो अब तक वो याद हैं मिरी अगली इनायतें बस बस हमारे हाल पे तू मेहरबाँ न हो छूटी तिरी गली तो ये मुझ को यक़ीं हुआ जन्नत है वो जहाँ सितम-ए-आसमाँ न हो करते हैं एक एक से मेरी शिकायतें सिर्फ़ इस ख़याल से कि कोई बद-गुमाँ न हो ये क्या कि सर चढ़ा के नज़र से गिरा दिया अब मेहरबाँ हुए हो तो ना-मेहरबाँ न हो दिल को कहाँ है सदमा-ए-रश्क-ए-अदु की ताब सौ इम्तिहाँ हैं और ये इक इम्तिहाँ न हो मरना फड़क फड़क के गवारा सही मगर इतना तो हो क़फ़स में ग़म-ए-आशियाँ न हो का'बे में बुत-कदे में ख़राबात में रहे इंसाँ वो है कहीं जो किसी पर गराँ न हो अपनी भी सर-गुज़श्त है इक-तरफ़ा दास्ताँ बरसों सुनो तो निस्फ़ ये क़िस्सा बयाँ न हो दिल से है दिल को राह ये सच है अगर 'हफ़ीज़' मुमकिन नहीं ख़याल यहाँ हो वहाँ न हो
