umr bhar us pe main maraa hi kiyaa — Muntazir Lakhnavi

"yak-ba-yak jaataa rahaa dilbar jo ghar aayaa huaa dauDaa dauDaa main phiraa galiyon mein ghabraayaa huaa jaan kyaa jallaad ki leve dobaaraa hukm-e-qatl munh se us zaalim ne jo yakbaar farmaayaa huaa hijr mein us gul ke ye surat hamaari ban gai rang bhi hai zard aur chehra bhi murjhaayaa huaa khaana-e-dil se karein gham yaar kaa kis tarah duur dar se uThtaa hai muhassal koi biThlaayaa huaa kyaa ghazab TuuTe hai dekhein aashiqon ki jaan par aaj kuchh ghusse mein hai baiThaa vo jhunjhlaayaa huaa yuun kiyaa barbaad us gul ne dil-e-pazh-murda ko pheink de hai phuul jaise koi kumlaayaa huaa 'muntazir' kaa ji jalaa de kyon na har ik baat mein hai vo zaalim shoala-khu ghairon kaa bhaDkaayaa huaa"

"jis ki ba-khudaa us but-e-kaafir pe nazar hai chhaati hai pahaaD us ki to patthar kaa jigar hai ai dil dur-e-dandaan ko zaraa dekh to us ke kyaa durj mein yaaqut ki ye silk-e-guhar hai kyaa saaf kahun yaar ke rukhsaar kaa ausaaf ik ghairat-e-khurshid hai ek rashk-e-qamar hai binaai kahaan itni nazar aae jo mujh ko baarik rag-e-jaan se bhi kuchh us ki kamar hai kartaa hai dilaa kis liye tu yaar ko badnaam baais tiri rusvaai kaa ye dida-e-tar hai samjhun na judaai ko main kyon vasl se behtar surat tiri aankhon ke tale aaTh pahar hai rotaa hai vo hasrat pe tiri sokhta-jaan ki juun sham-e-sahar jo koi sargarm-e-safar hai"

"yaar se dast-o-garebaan na huaa thaa so huaa kabhi itnaa main pashemaan na huaa thaa so huaa vaaqai jaa-e-nadaamat to yahi hai ki kabhu mujh se jo kaam azizaan na huaa thaa so huaa tujh ko dekhe koi aur us se khafaa honaa haae kyaa karun ai dil-e-naadaan na huaa thaa so huaa kar ke nazzaara tan-e-saaf kaa us ke haihaat shakl-e-aaina jo hairaan na huaa thaa so huaa hanste hanste na sunaa thaa kahin ho khaana-kharaab rovo ab dida-e-giryaan na huaa thaa so huaa baal ve bikhre hue dekh ke rukh par us ke kabhu kaafir jo musalmaan na huaa thaa so huaa 'muntazir' is dil-e-betaab ke haathon shab-e-vasl kyaa kahein tum se miyaan jo na huaa thaa so huaa"

"vo un zulfon kaa aalam abtari kaa sabab thaa meri shorida-sari kaa pari ki si ho jis zaalim ki raftaar vo kyaa jaane jatan aadam-giri kaa ajab apnaa bhi hai maashuq be-aib hunar hai jis mein aashiq-parvari kaa tiri jaadu-nigaahi jis ne dekhi vo kab qaail hai sehr-e-saamri kaa ravaan hain lakht-e-dil yuun chashm-e-nam se musaafir juun chale rasta tari kaa sharaf ashaab-e-kahf uupar rakhe hai jo sag hai aastaan-e-haidari kaa badi mat kar kisi ki 'muntazir' tu agar khvaahaan hai apni behtari kaa"

"us shokh ke andaaz ko dekhaa to ghazab hai aur us ke sivaa naaz ko dekhaa to ghazab hai baaton mein jo chhal leve hai dil pir-o-javaan kaa us tifl-e-duaa-baar ko dekhaa to ghazab hai kyaa kyaa na kahaa us ne mujhe teri taraf se kaafir tire hamraaz ko dekhaa to ghazab hai har-chand ki hai tuti-e-hind ek hi khush-go par bulbul-e-shiraaz ko dekhaa to ghazab hai har-chand ki hai ishq kaa anjaam hi kuchh qahr har husn ke aaghaaz ko dekhaa to ghazab hai ham 'muntazir' itnaa na samajhte the use lek khuub us but-e-khud-saaz ko dekhaa to ghazab hai"

"dekh kar ye chalan tumhaare ham khaak mein mil gae bechaare ham jin hain yaa dev bhuut hain kyaa hain nahin lagte jo tum ko pyaare ham be-qaraari se dil ki shab ko haae dar pe us ke bahut pukaare ham ye jo gulzaar saa hai rukh teraa leinge is baagh ko ijaare ham daagh ik tohfa le ke hasti mein su-e-mulk-e-adam sidhaare ham raat mahfil mein kaan mein us ke kah ke kuchh ho gae kinaare ham 'muntazir' dil ne dukh diyaa ye ki bas mar gae dard-o-gham ke maare ham"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"