Ghazal

"baat kiije ghair se aur ham se munh ko moDiye Tuk khudaa se Dariye in vazaon ko apni chhoDiye munh na moDegaa ye 'aasi gar yunhi manzur hai lijiye sang-e-jafaa aur shisha-e-dil toDiye toDnaa dil kaa tumhaare aage go aasaan hai par tumhein tab jaanein jab TuuTe bhi dil ko joDiye yaar-e-be-parvaa-o-jaanib-daar us ki khalq sab haae kis ke saamne jaa sar ko apne phoDiye toD kar kuchh us se 'maahir' ham ko ban aataa nahin dil mein hai phir us ke aage haath apne joDiye"

"jab yaar dekhne ko gulzaar ghar se niklaa aalam tab us ke bahr-e-didaar ghar se niklaa karne ko qatl aashiq vo tund-khu kaj-abru kaj rakh ke sar pe apni dastaar ghar se niklaa detaa thaa vo kisi ko gaali kisi ko jhiDki jis dam nashe mein ho kar sarshaar ghar se niklaa changaa bhalaa jo aayaa paas us pari ke 'maahir' chalte hue vo ho kar bimaar ghar se niklaa"

"liye main qadam jo us ke to kiyaa itaab ulTaa kahi baat main ne sidhi to diyaa javaab ulTaa vo jo ghair hain so un se tumhein be-takallufi hai hamein dekh kar ke ab tum karo ho hijaab ulTaa ye vo daur hai azizo hai najib gardi is mein chali baad ab vo jis se varaq-e-kitaab ulTaa vahin mehr zarra ho kar lagaa aankh ko jhapakne lab-e-baam un ne rukh se jo sahar naqaab ulTaa main talaash mein kal us ke phiraa dar-ba-dar vo 'maahir' na milaa to ghar ko apne main phiraa kharaab ulTaa"

"vo be-navaa rah-o-rasm-e-qalandari jaane jo khaak-e-tan pe libaas-e-tavangari jaane raqib se tiri parkhaash dekh kar ai shokh vahi ho khush jo na ye jang-e-zargari jaane adaa-o-naaz-o-tabassum nigaah-e-gosha-e-chashm so us ke kaun ye andaaz-e-dilbari jaane jahaan ke qatl se kyaa ho use khatar haihaat jo shokh kuchh na maaal-e-sitamgari jaane dimaagh-e-bahas nahin khaarji se ai 'maahir' aqida kaun miraa ghair-haidari jaane"

"hue ab ham se tum gar dushman-e-jaani to behtar hai miyaan ghairon se mil kar dil mein yuun Thaani to behtar hai nahin hai khuub sohbat har kisi kam-zarf se lekin nahin gar maante az-raah-e-naadaani to behtar hai ba-juz khush-tabai-o-chashmak na dekhaa harf mein tum se karo mauquf agar ye vaz-e-rindaani to behtar hai ze-rue-khair-khvaahi tum se main kahtaa huun ai pyaare nasihat tum ne ye meri agar maani to behtar hai jahaan se uTh gayaa 'saudaa' saa shaair haif ai 'maahir' kare gar tark tu sher-e-ghazal-khvaani to behtar hai"

"main to mozaahim nahin ghair ke haan jaaiye gaah qadam-ranja aap yaan bhi to farmaaiye tum se to ghair az-razaa chaara nahin mujh ko lek kaaba-e-dil ko mire soch ke Tuk Dhak jaaiye qasd kahin aur kaa ham se ye kah kar chale jaaun huun ghar aaiyo yuun to na bahkaaiye aur jagah kab mile dil ki khabar haan magar teri gali mein suraagh DhunDiye to paaiye 'maahir'-e-be-chaara par kar ke ye jaur-o-jafaa phir na zabaan apni par naam-e-vafaa laaiye"

"jidhar munh apne ko vo isi-e-zamaan phere to ik nigaah se mardon ke tan mein jaan phere vo to hai kaafir-e-rahzan ki ik ishaare mein jo samt kaabe ke jaataa ho kaarvaan phere tiri jafaaon se yuun dil ke pherne ke liye kahe hazaar koi tujh se par kahaan phere kar ai aziiz har ik nek-o-bad ki dil mein raah na kar vo kaam ki munh tujh se yak jahaan phere nazar na aave kabhu ek baar agar us ke karun hazaar main kuche ke darmiyaan phere"

"garche bantaa nahin Dhab sone kaa jaanaan se lipaT ek din jaaungaa par us ke main daamaan se lipaT ai falak tujh se tamannaa hai ki is jaaDe mein soiye garm ho is mehr-e-darakhshaan se lipaT baad muddat jo use sair-e-chaman mein dekhaa main gayaa dauD ke is sarv-khiraamaan se lipaT baaghbaan ne jo na di rifat-e-gul-gasht hamein but se ho rah gae divaar-e-gulistaan se lipaT 'maahir' us shokh ne jab tiir nigah kaa pheinkaa us ke paikaan rahe aah rag-e-jaan se lipaT"