dar-haqiqat ittisaal-e-jism-o-jaan hai zindagi — Aatish Bahawalpuri

chaarasaazon ki chaara-saazi se
aur bimaar ki dashaa bigDi

— Aatish Bahawalpuri

ye mai-khaana hai mai-khaana taqaddus us kaa laazim hai
yahaan jo bhi qadam rakhnaa hamesha baa-vazu rakhnaa

— Aatish Bahawalpuri

gila mujh se thaa yaa meri vafaa se
miri mahfil se kyuun barham gae vo

— Aatish Bahawalpuri

maslahat kaa yahi taqaazaa hai
vo na maanein to maan jaao tum

— Aatish Bahawalpuri

umiid un se vafaa ki to khair kyaa kiije
jafaa bhi karte nahin vo kabhi jafaa ki tarah

— Aatish Bahawalpuri

mujhe bhi ik sitamgar ke karam se
sitam sahne ki aadat ho gai hai

— Aatish Bahawalpuri

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal