chaarasaazon ki chaara-saazi se — Aatish Bahawalpuri

dar-haqiqat ittisaal-e-jism-o-jaan hai zindagi
ye haqiqat hai ki arbaab-e-himam ke vaaste

ye mai-khaana hai mai-khaana taqaddus us kaa laazim hai
yahaan jo bhi qadam rakhnaa hamesha baa-vazu rakhnaa

gila mujh se thaa yaa meri vafaa se
miri mahfil se kyuun barham gae vo

maslahat kaa yahi taqaazaa hai
vo na maanein to maan jaao tum

umiid un se vafaa ki to khair kyaa kiije
jafaa bhi karte nahin vo kabhi jafaa ki tarah

mujhe bhi ik sitamgar ke karam se
sitam sahne ki aadat ho gai hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa