na jaane aaj ye kis kaa khayaal aaya hai — Ahmad Hamdani

vo meri raah mein kaanTe bichhaae main lekin
usi ko pyaar karun us pe e'tibaar karun

— Ahmad Hamdani

kyuun hamaare saans bhi hote hain logon par giraan
ham bhi to ik umr le kar is jahaan mein aae the

— Ahmad Hamdani

kis ko bataaein ab ki na chal kar tamaam umr
ham ne khud apne aap mein kitnaa safar kiyaa

— Ahmad Hamdani

tu mayassar thaa to dil mein the hazaaron armaan
tu nahin hai to har ik samt ajab rang-e-malaal

— Ahmad Hamdani

ajiib vahshatein hisse mein apne aai hain
ki tere ghar bhi pahunch kar sakun na paaein ham

— Ahmad Hamdani

ab ye hogaa shaayad apni aag mein khud jal jaaeinge
tum se duur bahut rah kar bhi kyaa paayaa kyaa paaeinge

— Ahmad Hamdani

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

— Bekhud Dehlvi

aaina to 'aibon ki khabar detaa hai 'aasif'
khush-fahmi-e-insaan kaa magar koi kare kyaa

— Akhtar Asif

tum aake lauT gae phir bhi ho yahin maujud
tumhaare jism ki khushbu mire makaan mein hai

— Abbas Dana

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

— Qateel Shifai