isi liye to main aankhein jhukaae rahtaa huun — Ahmad Niyaz Razzaqi

sab raahon mein kaanTe hain
chalte jaanaa ek taraf

dil-sahraa mein ret sadaa uDti rahti hai
kab is se taa'mir koi darpan kartaa hai

unhein kyaa pata mushk-o-'ambar hai kyaa shai
jo vaaqif nahin meri urdu zabaan se

suratein TuTeingi lekin aaina rah jaaegaa
aaina gar TuuT jaaegaa to kyaa rah jaaegaa

vo ab aate nahin dariyaa kinaare
utarte the jo gahre paaniyon mein

ek se phirte hain divaane jidhar bhi dekho
ab koi farq nahin shahr mein viraane mein

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aaine se nazar churaate hain
jab se apnaa javaab dekhaa hai

jahaan jahaan bhi hai nahr-e-furaat kaa imkaan
vahin yazid kaa lashkar dikhaai detaa hai

shah-naame likkhe hain khanDaraat ki har iinT par
har jagah hai dafn ik afsaana tere shahr mein