jo kahtaa thaa zamin ko main sitaaron se sajaa dungaa — Ahmad Wasi

muddat ke baa'd aaina kal saamne paDaa
dekhi jo apni shakl to chehra utar gayaa

— Ahmad Wasi

vo kare baat to har lafz se khushbu aae
aisi boli vahi bole jise urdu aae

— Ahmad Wasi

thak ke yuun pichhle pahar sau gayaa meraa ehsaas
raat bhar shahr mein aavaara phiraa ho jaise

— Ahmad Wasi

judaai kyuun dilon ko aur bhi nazdik laati hai
bichhaD kar kyuun ziyaada pyaar kaa ehsaas hotaa hai

— Ahmad Wasi

log hairat se mujhe dekh rahe hain aise
mere chehre pe koi naam likhaa ho jaise

— Ahmad Wasi

muddat guzar gai hai ki dil ko sukun nahin
muddat guzar gai hai kisi kaa bhalaa kiye

— Ahmad Wasi

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

— Jurat Qalandar Bakhsh

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

— Ateequllah

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

— Khaleel Tanveer

main takiye par sitaare bo rahaa huun
janam-din hai akelaa ro rahaa huun

— Aitbar Sajid

aasmaanon mein uDaa karte hain phule phule
halke logon ke baDe kaam havaa karti hai

— Mohammad Aazam