muddat guzar gai hai ki dil ko sukun nahin — Ahmad Wasi

vo kare baat to har lafz se khushbu aae
aisi boli vahi bole jise urdu aae

thak ke yuun pichhle pahar sau gayaa meraa ehsaas
raat bhar shahr mein aavaara phiraa ho jaise

judaai kyuun dilon ko aur bhi nazdik laati hai
bichhaD kar kyuun ziyaada pyaar kaa ehsaas hotaa hai

log hairat se mujhe dekh rahe hain aise
mere chehre pe koi naam likhaa ho jaise

jo kahtaa thaa zamin ko main sitaaron se sajaa dungaa
vahi basti ki tah mein rakh gayaa chingaariyaan apni

muddat ke baa'd aaina kal saamne paDaa
dekhi jo apni shakl to chehra utar gayaa

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

main badalte hue haalaat mein Dhal jaataa huun
dekhne vaale adaakaar samajhte hain mujhe

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai