jaise paani pe naqsh ho koi — Akram Naqqash

ye kaun si jagah hai ye basti hai kaun si
koi bhi is jahaan mein tere sivaa nahin

jiyungaa main tiri saanson mein jab tak
khud apni saans mein zinda rahungaa

kuchh to inaayatein hain mire kaarsaaz ki
aur kuchh mire mizaaj ne tanhaa kiyaa mujhe

ishq ik aisi haveli hai ki jis se baahar
koi darvaaza khule aur na daricha nikle

andhaa safar hai ziist kise chhoD de kahaan
uljhaa huaa saa khvaab hai taabir kyaa karein

hazaar kaarvaan yuun to hain mere saath magar
jo mere naam hai vo qaafila kab aaegaa