kuchh to inaayatein hain mire kaarsaaz ki — Akram Naqqash

jaise paani pe naqsh ho koi
raunaqein sab adam-sabaat rahin

ye kaun si jagah hai ye basti hai kaun si
koi bhi is jahaan mein tere sivaa nahin

jiyungaa main tiri saanson mein jab tak
khud apni saans mein zinda rahungaa

ishq ik aisi haveli hai ki jis se baahar
koi darvaaza khule aur na daricha nikle

andhaa safar hai ziist kise chhoD de kahaan
uljhaa huaa saa khvaab hai taabir kyaa karein

hazaar kaarvaan yuun to hain mere saath magar
jo mere naam hai vo qaafila kab aaegaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

mujhe khabar nahin gham kyaa hai aur khushi kyaa hai
ye zindagi ki hai surat to zindagi kyaa hai

ek dil hai ek hasrat ek ham hain ek tum
itne gham kam hain jo koi aur gham paidaa karein